వరుస పరాజయాలతో ఉన్న రవితేజ మరో సినిమాతో ప్రేక్షకుల ముందుకు వస్తున్నాడు. ప్రస్తుతం ఆయన నటిస్తున్న సినిమాకు డిస్కో రాజా టైటిల్ కన్ఫర్మ్ చేశారు దర్శక నిర్మాతలు. ఎక్కడికి పోతావు చిన్నవాడా, ఒక్క క్షణం లాంటి సినిమాలు తెరకెక్కించిన వీ ఐ ఆనంద్ ఈ చిత్రాన్ని తెరకెక్కిస్తున్నాడు. కాస్త ప్రయోగాత్మక కథతో పాటు వినోదం కూడా తగ్గకుండా రవితేజ ఇమేజ్ కి తగ్గట్లు బ్యాలెన్స్ చేస్తూ డిస్కో రాజా సినిమాను తెరకెక్కిస్తున్నాడు ఆనంద్.
ఇప్పటికే ఈ చిత్రం షూటింగ్ 40 శాతం పూర్తయింది. ఈ ఏడాది సమ్మర్లో సినిమాలు విడుదల చేయడానికి సన్నాహాలు చేస్తున్నాడు ఆనంద్. ఇందులో రవితేజ ద్విపాత్రాభినయం చేస్తున్నాడు.. తండ్రి కొడుకులు గా నటిస్తున్నాడు అని తెలుస్తోంది. ఈ సినిమాలో ముగ్గురు ముద్దుగుమ్మలతో రొమాన్స్ చేస్తున్నాడు మాస్ రాజా. ఆర్ ఎక్స్ 100 సినిమాలో ముద్దులతో రెచ్చిపోయిన పాయల్ రాజ్ పుత్.. టాక్సీవాలా హీరోయిన్ ప్రియాంక జవాల్కర్.. నన్ను దోచుకుందువటే సినిమాలో మాయ చేసిన న‌భా న‌టేష్ ఈ సినిమాలో హీరోయిన్లుగా నటిస్తున్నారు.
ఈ చిత్రంతో కచ్చితంగా ఫామ్ లోకి వ‌స్తానంటూ ధీమాగా చెబుతున్నారు మాస్ రాజా. చూస్తుంటే ఆయన నమ్మకం కూడా నిలబడేలాగే కనిపిస్తుంది. కచ్చితంగా ఈ సినిమాతో రవితేజ హిట్ కొడతాడని అభిమానులు కూడా ఆశిస్తున్నారు. జనవరి 26న ఆయన పుట్టిన రోజు సందర్భంగా టైటిల్ లోగో లాంచ్ చేశారు దర్శక నిర్మాతలు. మరి ఈ సినిమాతో రవితేజ ఎలాంటి మాయ చేయబోతున్నాడు అనేది చూడాలి.
