అస‌లే రెండు వ‌ర‌స ఫ్లాపుల‌తో కెరీర్ లో ఎటూ కాకుండా ఉన్నాడు అఖిల్. హ‌లో త‌ర్వాత మ‌రో సినిమా మొద‌లుపెట్ట‌లేదు ఈ కుర్ర హీరో. అయితే ముహూర్తం మాత్రం పెట్టి.. ప‌ట్టాలెక్కించ‌డానికి రెడీగా వెంకీ అట్లూరితో సిద్ధంగా ఉన్నాడు. జూన్ లోనే ఈ చిత్ర షూటింగ్ మొద‌లు కానుంది. అయితే ఇక్క‌డే చిన్న ట్విస్ట్ ఉంది. ఓ వైపు సినిమాకు క‌మిటైన త‌ర్వాత మ‌రోవైపు గాళ్ ఫ్రెండ్ తో ఎంజాయ్ చేస్తున్నాడు అఖిల్.
ఇంత‌కీ ఎవ‌రా గాళ్ ఫ్రెండ్ అనుకుంటున్నారా..? ఆల్రెడీ ఒక‌సారి శ్రేయాభూపాల్ తో నిశ్చితార్థం వ‌ర‌కు వెళ్లి ఆగిపోయింది అఖిల్ పెళ్లి. దాంతో ఇప్పుడు గాళ్ ఫ్రెండ్స్ కు దూరంగా ఉన్నాడు అక్కినేని వార‌సుడు. కానీ త‌న‌కు మాత్రం ఇప్పుడు ఉన్న గాళ్ ఫ్రెండ్ ద‌ర్శ‌కుడు వెంకీ అట్లూరి అని చెప్పాడు అఖిల్. త‌న టైమ్ అంతా ఇప్పుడు ఈయ‌న‌కే కేటాయిస్తున్న‌ట్లు చెబుతున్నాడు అఖిల్. ఇప్పుడు మొద‌లుపెట్టి ద‌స‌రాకు విడుద‌ల చేయాల‌నేది అఖిల్ ప్లాన్. అంటే ఉన్న‌ది మూన్నెళ్ల టైమ్ అంతే. కానీ పూర్తి చేస్తామంటున్నాడు ఈ హీరో.
చిన్న చిన్న షెడ్యూల్ బ్రేక్స్ తో నాన్ స్టాప్ షూటింగ్ కు ప్లాన్ చేస్తున్నాడు ఈ హీరో. పైగా షూట్ అంతా లండ‌న్ లోనే జ‌ర‌గ‌బోతుంది. ఇదే నెల‌లో ప‌ట్టాలెక్క‌నుంది ఈ చిత్రం. ఎట్టి ప‌రిస్థితుల్లో ద‌స‌రాకు వ‌చ్చేయాల‌నేది అక్కినేని వార‌సుడి ఆలోచ‌న. అప్పుడు ఎన్టీఆర్-త్రివిక్ర‌మ్ అర‌వింద స‌మేత కూడా రానుంది. అయినా కూడా అఖిల్ వెన‌క‌డుగు వేయ‌ట్లేదు. మ‌రి చూడాలిక.. ఏం చేస్తాడో ఇప్పుడు..?
