విజ‌య్ రాజ‌కీయాల్లోకి వ‌స్తున్నాడా..?

TAMIL ACTOR VIJAY INTO POLITICS
త‌మిళ‌నాట ఎప్పుడూ ట్రెండింగ్ టాపిక్ ఇది. ఆయ‌న ఎప్పుడు రాజ‌కీయాల్లోకి వ‌స్తాడా అని అభిమానులు వేచి చూస్తున్నారు. ఆయ‌న తండ్రి చంద్ర శేఖ‌ర్ కూడా విజ‌య్ రాజ‌కీయాల్లోకి వ‌స్తే బాగుంటుంద‌ని చెప్పాడు. అయితే ఇప్పుడు త‌న‌కు ఆ ఉద్ధేశ్యం లేదంటున్నాడు ఇళ‌య ద‌ళ‌ప‌తి. దానికి మ‌రో కార‌ణం కూడా ఉంది. ర‌జినీకాంత్ పిలిచి మ‌రీ నీకు ఇంకా ప‌దేళ్లు టైమ్ ఉంది.. ముందు సినిమాలు చేయ్ అంటూ అప్ప‌ట్లో బాగానే విజ‌య్ క్లాస్ ఇచ్చాడ‌ని కోలీవుడ్ లో మాట‌లు వినిపించాయి. ఆ మాట‌లు వినే త‌న దృష్టంతా సినిమాల‌పై పెట్టాడు విజ‌య్.
అయితే తాను చేయాల్సిన సేవ‌లు మాత్రం హీరోగా ఉండే చేస్తున్నాడు ఈ హీరో. ఇప్ప‌టికే అభిమాన సంఘాల నుంచి కూడా ఈ హీరోకు కావాల్సినంత స‌పోర్ట్ ఉంది. ఇదంతా ఇలా ఉంటే ఇప్పుడు విజ‌య్ పొలిటిక‌ల్ హీట్ పై మ‌రోసారి వార్త‌లు మొద‌ల‌య్యాయి. దానికి కార‌ణం మురుగ‌దాస్. ఈయ‌న సినిమాలో ఇప్పుడు విజ‌య్ పొలిటీషియ‌న్ గా న‌టిస్తున్నాడ‌ని తెలుస్తుంది. ఈ పాత్ర‌కు కావాల్సినట్లుగానే మారిపోతున్నాడు విజ‌య్.
ఈ మ‌ధ్యే విడుద‌లైన పోస్ట‌ర్స్ లో కూడా బ్యాగ్రౌండ్ లో రాజ‌కీయాల‌కు సంబంధించిన లుక్స్ విడుద‌ల‌య్యాయి. ఇందులో విజ‌య్ ద్విపాత్రాభిన‌యం చేస్తున్నాడ‌ని తెలుస్తుంది. మ‌రి చూడాలిక‌.. రియ‌ల్ లైఫ్ లో ఎలాగూ రాజ‌కీయాల్లోకి ఇప్ప‌ట్లో వ‌చ్చేలా లేడు.. సినిమాలో ఏం చేస్తాడో చూడాలిక‌..!

LEAVE A REPLY

Please enter your comment!
Please enter your name here